Biləsuvar rayonunda Sosial-İqtisadi sahədə keçirilən tədbir
“Mina Qurbanlarının Sosial-İqtisadi Problemlərinin Həllinə Kömək” İctimai Birliyi Azərbaycan Respublikasının Qeyri-Hökümət Təşkilatlarına Dövlət Dəstəyi Agentliyinin 2021- ci il üçün maliyyə yardımının alınması barədə elan etdiyi müsabiqədə “Mina qurbanları və qazilərin sosial təminatının gücləndirilməsi təşəbbüslərinin dəstəklənməsi” mövzusunda iştirak etmiş və müsabiqənin qaliblərindən olmuşdur.Layihənin əsas məqsədi mina qurbanları və qazilərin sosial problemlərinin dərindən araşdırılması, çatışmazlıqların müəyyən edilməsi və asanlaşdırıcı həllərin tapılmasına hədəflənir.
Layihə çərçivəsində İmişli, Bərdə, Biləsuvar, Füzuli, Ağdam və Tərtər rayonlarında tədbirlərin keçirilməsi nəzərdə tutulmuşdur.
29 mart tarixində Biləsuvar rayonunda layihə çərçivəsində tədbir AMİK-in icra etdiyi Masallı-Cəlilabad-Biləsuvar KOB İnkişaf Mərkəzinin ofisində həyata keçirilmişdir. Tədbirdə rayonda mövcud sosial müdafiə mexanizmləri, onlardan istifadə qaydaları haqqında məlumatlar, əmək bazarının yeni çağırışları və bu imkanlardan istifadə yolları haqqında məlumatlar verilmişdir. Məqsəd çətinlikləri üzə çıxarmaq və maraqlı tərəflərin məsələlərə münasibətini dəqiqləşdirmək, həmçinin uyğun təkliflərin hazırlanması prosesində onların tövsiyyələrinin əks olunmasını təmin etməkdr.
Layihə 4 ay davam edəcəkdir.